Me aplikimin e rregullativës së re të Bashkimit Evropian janë bërë ndryshime drastike në gamën e klasave të energjisë së produkteve dhe kështu edhe në etiketat e energjisë dhe të gjithë prodhuesit duhet t’iu përmbahen rregullave të reja. Çdo kompani prodhimi ka filluar që atëherë të ofrojë produkte sipas standardeve më të reja evropiane si dhe të jetë transparente dhe t’i ndihmojë konsumatorët që të bëjnë përzgjedhjen më të mirë gjatë blerjes.

Pse ka ndryshuar klasa?

Shenjat energjetike janë paraqitur qysh në vitet e nëntëdhjeta, kur shumica e pajisjeve ka qenë e etiketuar me klasën energjetike E. Me avancimin dhe zhvillimin e përshpejtuar të teknologjisë, në treg për një kohë të shkurtër janë paraqitur produkte me klasën më të lartë energjetike A. Zhvillimi i mëtejmë ka shkaktuar që produktet të jenë më të mira se sa klasa A, prandaj etiketat u zgjeruan me shenjën plus (A+, A++, A+++), për t’u dalluar më lehtë. Por kjo mënyrë e etiketimit nuk është më efikase për Bashkimin Evropian sepse teknologjia po përparon në mënyrë konstante.  Konsiderohet se paraqitja e tillë, me sa më shumë pluse po vështirëson marrjen e vendimit më të mirë për konsumatorin dhe po e huton atë, sepse në përgjithësi të gjitha pajisjet kanë kaluar në “zonën e gjelbër” të efikasitetit të energjisë. Qëllimi i lëvizjes së shkallës është edhe që prodhuesit të stimulohen që më shumë të investojnë në inovacione dhe që në këtë mënyrë të kontribuohet në prodhimin e produkteve me energji më efikase

Çfarë ka ndryshuar?

Në nivel të Bashkimit Evropian është marrë vendim që të ndryshojë etiketa energjetike dhe në të gama e klasave energjetike të jetë nga A (klasa më e lartë) deri në G (klasa më e ulët).  Në mënyrë që produkti të bëjë pjesë në klasën e re A, tani duhet të përmbushë shumë më tepër kritere se sa në rastin e etiketës së vjetëruar me A+, A++, A+++. Shenjat e tilla me pluse nuk përdoren më dhe nuk janë pjesë e rregullativës së re. Mënyra e re e llogaritjes dhe etikimit të kursimit të energjisë lejon hapësirë për inovacione teknologjike në të ardhmen dhe rangimin e tyre sipas kategorive.

Si duket ndryshimi?

Ndryshimi më i madh ka ndodhur në vetë pamjen e etiketës energjetike, që janë theksuar në pajisje. Në çdo vend ku mund të gjendet informacioni për kategorinë dhe efikasitetin energjetik të pajisjes, janë theksuar parametra të ri dhe mënyra e rangimit. Kur bëhet fjalë për përcaktimin e klasës së re energjetike të pajisjes, nuk ekziston rregull universal i konvertimit të së vjetrës në klasë të re. Gjithashtu, e shpeshtë është situata që pajisjet të cilat kanë pasur klasën energjetike A+++ të rregullativës së vjetër, tani të jenë të kategorizuara si klasa D ose E e rregullativës së re.

Ku na dërgon kodi QR dhe për çka shërben?

Me ardhjen e rregullativës së re është i domosdoshëm kodi QR në etiketën energjetike. Me skanimin e kodit QR, konsumatori ka qasje në specifikacionin teknik për pajisjen konkrete në bazën e të dhënave të BE-së për etiketim energjetik (EPREL). Në këtë mënyrë sigurohet që çdo pajisje të jetë në përputhje me standardin e ri të caktuar, si dhe transparencë të informacioneve më të rëndësishme për konsumatorin, që gjithashtu lehtëson edhe krahasimin e pajisjeve të prodhuesve të ndryshëm.

Ndryshimet drastike në treg janë bërë për t’iu përshtatur zhvillimit të teknologjisë, të përcjellin tregun e ardhshëm dhe t’i ndihmojnë konsumatorit për të kuptuar më mirë specifikacionin e pajisjes. Etiketimet e pajisjeve sipas rregullativës së vjetër me shenjat A+, A++ dhe A+++ kanë qenë konfuze për konsumatorin dhe nuk kanë lënë hapësirë për zhvillim të mëtejeshëm teknologjik. Rregullativa e re mundëson kuptimin më të lehtë të efikasitetit energjetik, rangimin e ri të produkteve me shenjat e shkronjave  nga A (shkalla më e lartë) deri në G (shkalla më e ulët), si dhe transparenca e të dhënave rreth pajisjes për një pozitë më të volitshme të konsumatorëve.

Qëllimi i implementimit të rregullativës së re është edhe shfrytëzimi maksimal i potencialit të kursimit të energjisë deri në fund të vitit 2030.

TONA Electronics është një biznes i cili synon transparencën e informacioneve, mendon për konsumatorët e vet dhe dëshiron që t’i njoftojë me kohë për ndryshimet e aplikuara në treg.

The post Etiketat e reja të energjisë appeared first on TONA Electronics.